Fédération Luxembourgeoise de Marche Populaire is a member of 
Sign in with your email:
De Yuppi-Walk ass fir dech wann s du tëscht 3 an 12 Joer al bass (Joergang 2007-2016) a Spaass um Trëppelen hues. D‘Matmaachen ass gratis an Du däerfs ouni Lizenz un all Yuppi-Walk deelhuelen. Déi richteg Kleeder sinn och beim Wanderer ganz wichteg: gutt Schong a Kleeder déi de Wiederkonditiounen ugepasst sinn.
Du kriss bei dengem éischte Yuppi Walk ee Pass an eng Schnupperkaart vun der FLMP wann s Du Dech umelle gees. Op dësem Pass kriss Du bei all Yuppi-Walk wou s Du matméchs ee Stempel.
Bedeeleg dech u mindestens 3 Yuppi-Walken an och un esou vill wéi méiglech vun den 20 anere Wanderungen tëscht dem 27. Abrëll an dem 22. September 2019, esou wéi se an dësem Pass virgesi sinn a sammel Stempelen fir an deng Stempelkaart oder deng Schnupperkaart vun der FLMP.
Kanner, déi bei mindestens 3 Yuppi-Walken derbäi waren an déi meeschte Stempelen op deenen anere Wanderunge gesammelt hunn, kréien den 10. Oktober 2019 nom Young Walkers Day zu Diddeleng e schéine Kaddo, deen de Yuppi selwer iwwerreecht. Awer opgepasst: Nëmmen déi Aktiivste gi bei de Yuppi invitéiert.
Eng Extra-Iwwerraschung vum Yuppi gëtt et, wann s du un alle 6 Yuppi-Walken deelgeholl hues.
Wichteg: Gëff däi Yuppi-Pass beim leschte Yuppy-Walk am Umeldebüro of oder schéck en bis spéitstens de 24. September 2019 un d’FLMP, B.P. 56, L-9201 Diekirch
Wann s du manner wéi 3 Joer hues, däerfs du awer och matmaachen beim „Butze-Walk“ a kriss ënnert de selwechte Konditioune wéi beim „Yuppi-Walk“ e flotte Kaddo vun der Lëtzebuerger Wandersportfederatioun.
D‘Aschreiwung vum Kand gëtt den Organisateuren automatesch d’Erlaabnis fir de Numm vum Kand resp. eventuell Fotoen mat de Kanner bei de verschiddenen Organisatiounen ze publizéieren. All Daten vun den ageschriwwene Kanner gi nom Dateschutzgesetz vum 25. Mee 2018 behandelt.
Renseignementer : www.flmp.lu flmp@pt.lu
